II Xornada Liga Natación - aberto prazo inscrición

Boas, familias.
  Lembrámosvos que está aberto o prazo de inscrición para a II Xornada, que se celebrará o domingo 24 de marzo pola mañá. Admítense novas inscricións ata o venres 15.

HORARIOS e CATEGORÍAS

   Benxamíns (2007 - 2008 - 2009 e 2010)

• ENTRADA EN PISCINA: 8:40h
• INICIO COMPETICIÓN: 9:00h

   Promesas (2011 - 2012 e 2013)

• ENTRADA EN PISCINA: 10:40h
• INICIO COMPETICIÓN: 11:00h

    Á III xornada (proba de estilo libre e entrega de medallas a todos os nadadores) só poderá asistir o alumnado que participara nalgunha das anteriores.  Animade os vosos fillos: as puntuacións individuais súmanse para a clasificatoria e agora mesmo estamos en 6º lugar dun total de 27 colexios. É unha posición excelente e ten máis mérito aínda se temos en consideración que participaron unicamente 11 nadadores, dos que máis da metade teñen 6 e 7 anos.

  Para participar non é preciso estar federado nin pertencer a ningún clube: basta con que os rapaces teñan ganas de formar equipo cos seus compañeiros para representar ao Canicouva. E se teñen dificultades para nadar os 25 metros da piscina, contan co apoio dos nadadores do Clube Rías Baixas, que os acompañan (e axudan, de ser preciso) ata a meta, como se pode ver na imaxe.
  Un saúdo,