PROGRAMA PARA A PROMOCIÓN DA IGUALDADE NO CEIP CANICOUVA

Publicado por o
Boas, familias. Como sabedes, na segunda quincena do mes de novembro impartiranse no cole as actividades dun programa formativo subvencionado pola Secretaría Xeral da Igualdade, no marco do Pacto de Estado.
O programa está formado por 
  • obradoiros para nais, pais e profesorado e
  • obradoiros para o alumnado.
Con estas actividades preténdese impulsar a sensibilización de familias e ANPAs na perspectiva de xénero, así como concienciar o alumnado e a comunidade educativa sobre os estereotipos existentes, promovendo relacións respetuosas e en igualdade para previr a violencia de xénero.
  

  A formación para familias consta de dúas sesións de 2h aprox. que se levarán a cabo de forma online os días 17 e 24 de novembro a través de videoconferencias de GoogleMeet, dado que xa non é posible celebralas nas instalacións do centro. Recibiredes as claves de acceso por TokApp ou poderedes consultalas na entrada correspondente do blog uns días antes.

  A formación para alumnado, inicialmente prevista para todos os cursos de primaria, será impartida en horario escolar aos nenos e nenas de 2º, 5º e 6º, dado que o protocolo COVID non permite xuntar o alumnado de A e B de cada curso (distintas unidades de convivencia) e houbo que reducir o aforo. A semana do 16 ao 19 de novembro terán lugar as actividades para 6º de primaria; a semana seguinte impartiranse as sesións correspondentes a 2º e 5º de primaria.
Un saúdo,