Boas,
Estamos cos preparativos para a festa de Samaín e precisamos da vosa colaboración. Será o mércores 31 de outubro, de 16:30 a 20:00h. Por motivos de organización suspéndese a actividade extraescolar dese día (balonmán).
A idea é facer xogos e talleres para os nenos e poñer un posto de maquillaxe temática para que os nenos pasen unha tarde especial xunto cos seus pais e compañeiros, pero precisamos voluntarios para poder organizalo todo. Podedes colaborar con nós de moitas formas:
-Na decoración: podedes preparar cousas cos vosos fillos ou vir a axudar polas tardes. Temos permiso para decorar o centro a partir do mércores 24.
-Na organización: precisamos xente ás 16:00 para poñer as mesas e os bancos, durante a festa para supervisar os talleres e a última hora (20:30-21:00h) para deixar todo recollido.
-Maquillaxe: precisamos xente que teña coñecementos e poida encargarse do posto. Os materiais proporciónaos a ANPA.
- Obradoiros: as voluntarias da ANPA organizaremos obradoiros de manualidades para os nenos. Se tedes algunha idea ou queredes axudar, avisádenos. Non é preciso que esteades dispoñibles durante toda a tarde: podemos turnarnos en quendas de media hora ou unha hora segundo as vosas posibilidades. Pasade pola oficina durante esta semana para organizarnos.
Canta máis xente colabore, mellor o pasarán os nenos.
Todos os rapaces que asistan recibirán un pequeno agasallo. Lembrade que non poden quedar sós na festa (teñen que vir acompañados por un adulto).
A vindeira semana enviarémosvos o programa definitivo da festa.
Grazas e un saúdo.