Ola, familias.
O xoves 21 de febreiro tivo lugar o acto de inauguración das obras do patio cuberto.
O xoves 21 de febreiro tivo lugar o acto de inauguración das obras do patio cuberto.
Profesores, alumnos, pais, representantes do Concello, dos medios e da empresa concesionaria da obra reunímonos baixo os soportais do colexio, onde o Director e o Alcalde pronunciaron unhas palabras.
O noso simpático Dinoseto (o meco deste ano) posou para a ocasión coas ferramentas e o casco regulamentario e conseguiu arrincar a promesa do Alcalde dun Dinoseto de verdade para decorar os xardíns do centro, noticia que foi acollida con inmensa ledicia por toda a comunidade educativa, particularmente polos nenos.
Agardamos que a finalización das obras traia consigo unha nova visita do Concello e o cumprimento do prometido. Mentres tanto, iremos buscando a ubicación ideal para o novo Dinoseto...
Dende aquí queremos dar as grazas a todas as nais que traballaron contra o reloxo con nós para construir o meco, de máis de dous metros de altura, para que estivera listo para a inauguración, e tamén a Ramón, que foi o encargado de poñerlle cor e deixalo tan vistoso.
Agora só queda ver se arde o venres tralo desfile de Entroido ou se, pola contra, consegue o indulto. Vós que credes?
O noso simpático Dinoseto (o meco deste ano) posou para a ocasión coas ferramentas e o casco regulamentario e conseguiu arrincar a promesa do Alcalde dun Dinoseto de verdade para decorar os xardíns do centro, noticia que foi acollida con inmensa ledicia por toda a comunidade educativa, particularmente polos nenos.
Agardamos que a finalización das obras traia consigo unha nova visita do Concello e o cumprimento do prometido. Mentres tanto, iremos buscando a ubicación ideal para o novo Dinoseto...Dende aquí queremos dar as grazas a todas as nais que traballaron contra o reloxo con nós para construir o meco, de máis de dous metros de altura, para que estivera listo para a inauguración, e tamén a Ramón, que foi o encargado de poñerlle cor e deixalo tan vistoso.
Agora só queda ver se arde o venres tralo desfile de Entroido ou se, pola contra, consegue o indulto. Vós que credes?
Un saúdo,
