Boas, familias.
O xoves 20 de xuño, de 16:30 a 20:30h aproximadamente, celebraremos a Festa do Socio nas instalacións do colexio.
Trátase dun evento privado organizado por e para os socios da ANPA Cachamuíña e, coma todos os anos, só poderán asistir asociados e familiares/amigos doutros centros invitados polos socios.
Para ter unha previsión axustada dos asistentes, agradecémosvos que pasedes pola oficina a retirar as entradas dos nenos ata o mércores 19 ás 10:00. Se alguén non pode vir nese horario, que contacte con nós. Podedes recollelas persoalmente ou a través doutro familiar ou socio. Os pais, tíos, avós... non precisan entrada.
Grazas pola vosa colaboración.
As condicións de acceso son as mesmas dende hai sete anos:
Grazas pola vosa colaboración.
As condicións de acceso son as mesmas dende hai sete anos:
1. A entrada é gratuita para os socios da ANPA escolarizados no Canicouva. Só tedes que recoller a vosa invitación e presentala na entrada. É indispensable estar ao día nos pagos: de ter débedas coa ANPA, deberanse saldar antes do mércores.
2. As familias do colexio non socias da ANPA que desexen asistir á festa terán que facerse socios e abonar a cota correspondente antes do mércores (15€ por familia e curso) para poder retirar as súas invitacións.
3. Os socios poderán traer amigos e/ou familiares (incluidos irmáns máis vellos) doutros centros, aos que se lles pide unha aportación simbólica para contribuir aos gastos da organización. Os menores de 4 anos entran gratis.
IMPORTANTE: POR FAVOR, RETIRADE AS VOSAS INVITACIÓNS ANTES DA FESTA.
IMPORTANTE: POR FAVOR, RETIRADE AS VOSAS INVITACIÓNS ANTES DA FESTA.
Agardámosvos!
NOTA: todos os nenos deberán estar acompañados por un adulto durante o tempo que dure a festa.
Un saúdo,
