Boas, familias.
Deixámosvos información sobre a campaña "Coñeces os protocolos?" da Confederación ANPAS Galegas, que ten como obxectivo divulgar os protocolos educativos da Consellería de Educación e nos chega a través de FOANPAS.Os protocolos son guías que establecen o modo de actuar da comunidade educativa para atender os alumnos/as cunha circunstancia que pode dificultar a súa aprendizaxe ou a súa convivencia diaria.
Regulan situacións tan dispares como a protección de datos, urxencias sanitarias e diabetes, TDAH, a prevención e detección do acoso escolar, a identidade de xénero ou o absentismo escolar, entre outros.
Parte desta campaña son os panfletos e marcapáxinas que tedes a vosa disposición na nosa oficina. Levan un código QR que vos levará á web de ANPAS GALEGAS, onde atoparedes xuntos todos os protocolos vixentes, que tamén podes consultar facendo clic aquí).
Son unha axuda, unha ferramenta útil para todas as partes implicadas no benestar do alumnado: para o centro educativo e os profesionais que teñen que aplicalos, xa que marcan os pasos que se debe seguir; para as familias, porque saben o que poden agardar da comunidade e, sobre todo, para os nenos e nenas, posto que son a súa defensa fronte a inacción ou o descoñecemento.
SON DE OBRIGADO CUMPRIMENTO, así que cómpre coñecelos e utilizalos.
Parte desta campaña son os panfletos e marcapáxinas que tedes a vosa disposición na nosa oficina. Levan un código QR que vos levará á web de ANPAS GALEGAS, onde atoparedes xuntos todos os protocolos vixentes, que tamén podes consultar facendo clic aquí).
Un saúdo,
