Boas, familias.
Achegámosvos máis iniciativas deseñadas para axudarnos a levar mellor estes días, para que teñades máis opcións para elixir ou cambiar de actividades:
Para rematar, deixámosvos o enlace a un par de concursos que poden ser do voso interese:
- O Blog "A escola infantil na casa" é unha proposta da Xunta de Galicia destinada aos máis pequenos (de 0 a 3 anos), pero tamén ás familias e a profesionais de educación infantil. Inclúe xogos, pautas e propostas educativas das escolas infantís da Consellería de Política social e conta con canle de YouTube na que se poden ver vídeos explicativos das actividades, contos, etc.
- Plataforma Galicia Le: é o servizo de préstamo electrónico de libros, revistas, audiolibros e películas das bibliotecas públicas galegas. Se non tes carné de biblioteca, só precisas rexistrarte para conseguilo e acceder ao catálogo de obras (en galego e castelán). É preciso cubrir todos os campos do formulario de solicitude de carné, e recomendamos anotar ou facer captura de pantalla do usuario e contrasinal temporal, xa que será preciso introducir estes datos para poder modificalo. As obras poden lerse en liña ou descargarse para visionarse dende outros dispositivos.
- Libros e historias de audio de Amazon: a compañía suspendeu a suscrición aos libros e historias de audio para alumnado infantil e estudiantes, de xeito que poderemos acceder dende o noso móbil, tablet ou pc a todas as historias da plataforma, dispoñibles en seis idiomas, de forma gratuita. Para acceder, pincha no encabezao ou copia e pega nun buscador o seguinte enlace: https://stories.audible.com/start-listen
Para rematar, deixámosvos o enlace a un par de concursos que poden ser do voso interese:
- XI Certame "Deseña unha xoia para a túa nai". Como vos contamos o curso pasado (entrada do blog), a Federación Galega de Xoieiros e o Colexio Profesional de Xoiaría de Galicia (Coxga) convocan un concurso de deseño para educación infantil e primaria con motivo da celebración do Día da Nai. O prazo de presentación dos debuxos aprazouse ata novo aviso (comunicarán as novas datas con suficiente antelación), pero o certame segue vixente. Podedes consultar as bases completas, descargar os dípticos de participación e ver os deseños premiados e as xoias realizadas o ano pasado premendo aquí.
- Concurso de debuxo de AGASP. A Academia Galega de Seguridade Pública convoca un concurso de debuxo no que 0s escolares plasmarán a mensaxe que queiran transmitir aos corpos e forzas de seguridade, co cancelo #ConVosEstamosSeguros.
Os debuxos deben enviarse por correo electrónico a formacion.agasp@xunta.gal ata o VENRES 17 de abril, indicando o nome completo do neno ou nena, o curso e o colexio ao que asiste. Toda a información aquí.
Un saúdo,
