Boas, familias. Malia que hoxe remata oficialmente o curso, queremos pedirvos que revisedes o tokapp de cando en vez, en especial se tendes desactivadas as notificacións. Na ANPA seguimos traballando para solucionar a desfeita que supuxo a COVID19 no tocante á organización do comedor e extraescolares, así que recibiredes avisos sobre estos servizos pero tamén algunha comunicación con información xeral.
Tanto este blog coma a páxina de Facebook da ANPA (pincha aquí) seguirán activos e durante a primeira quincena de xullo esperamos poder publicar toda a información sobre as inscricións de aula matinal, comedor e extraescolares para o vindeiro curso.
En canto poidamos, promocionaremos na base de datos de Tokapp a todo o alumnado, de modo que sexto de primaria deixará de recibir mensaxes por este medio. Esperamos aclarar calquera cuestión que teñades coa información que vos iremos mandando nas próximas semanas, pero se seguides tendo dúbidas, poderedes poñervos en contacto con nós polos medios habituais. Trataremos de responder o antes posible.
Coidádevos moito. Vémonos en setembro! Un saúdo e #saiamos
disto con sentidiño.
