Información sobre axudas (fondo libros, axudas municipais...)

Boas, familias. Deixámosvos información sobre as últimas convocatorias vixentes:

• Axudas do fondo libros e material escolar para primaria da Consellería de Educación (pincha aquí para ver a orde completa). Regula as axudas para a compra de material escolar (1º a 6º primaria) e libros de texto (1º e 2º primaria), así como a participación no fondo solidario de libros para o alumnado de 3º a 6º de primaria. 

  Como comunicou o centro no blog e na web, o prazo de presentación remata o venres 19 de xuño. Dende o blog do cole (pincha) podedes acceder á aplicación FONDO LIBROS e aos anexos necesarios. Tede en conta que a solicitude pode cubrirse telemáticamente a través desta aplicación pero só se pode presentar por esta vía se tedes DNI electrónico ou Chave365. En caso contrario, teredes que presentar no colexio (ou enviar por mail) a documentación necesaria, ou presentala en calquera rexistro. 

• Axudas de libros, material escolar e comedor do Concello de Vigo (pincha aquí). Esta axuda vai destinada á compra de libros e material para educación infantil e inclúe tamén as bolsas de comedor para infantil e primaria. No blog do cole (pincha) están colgados os anexos en formato editable. É unha axuda que se xestiona directamente no Concello de Vigo. Aínda non está aberto o prazo para presentar as solicitudes.

• Convocatoria do Bono de coidado extraordinario da Consellería de Política Social (pincha aquí) -medida extraordinaria de conciliación ante a situación xerada pola COVID19, destinada a familias que solicitaran excedencias, redución de xornada, precisasen coidadores... Pincha aquí para ver un resumo.  

• Guía sobre o ingreso mínimo vital (pincha aquí). O prazo para presentar as solicitudes está aberto dende o 15 de xuño.

• Convocatoria campamentos de verán da Xunta (pincha aquí). Atentos aos prazos: 7 días hábiles a partir do día seguinte ao da publicación da orde do DOGA, é dicir, dende o 16 de xuño.

Un saúdo,