E o certo é que non podemos estar máis satisfeitos co desenvolvemento da xornada, tendo en conta que o primeiro día todo é novo e sempre quedan detalliños que se irán corrixindo ao longo dos días.
A saída escalonada das aulas permite que cada grupo lave as mans e entre nas instalacións do comedor que lle corresponde, sen présas nin aglomeracións, e tanto no comedor como no ximnasio hai moitísimo espazo para os rapaces e as monitoras, de modo que o servizo resultou tranquilo e cómodo. Gustaríanos saber que opinan dos cambios os vosos nenos e nenas, así que vos animamos a compartir con nós as impresións que vos transmitiron ao chegar a casa.
Dende aquí queremos dar as grazas a todas as persoas que colaboraron para poder abrir este servizo, dende a dirección e o profesorado do Centro ao servizo de limpeza, sen esquecer as familias voluntarias que moveron mesas por todo o colexio para poder montar os comedores.
O vindeiro 3 de novembro abriremos o servizo de aula matinal.
Lembrarvos tamén que é preciso que indiquedes en edue todas as persoas que estean autorizadas para recoller os menores. Para introducir máis autorizados, debedes facer clic sobre o voso nome e utilizar o menú "tutores para recogida", que no menú do móbil aparece ao pinchar nas tres raias da esquina superior dereita:
Dende o apartado "alumno" só podedes editar a persoa que figura por defecto, que é quen se rexistrou en EDUE.
Un saúdo,
