Boas, familias. 
Mañá 3/11/20 abrimos aula matinal. Chamade ao timbre cando cheguedes e agardade a que unha das monitoras saia para recoller os nenos/as de infantil. Os de primaria poden entrar sós directamente polo soportal (a esa hora non teñen que rodear o edificio). Lembrade que os pais e nais non podemos entrar no recinto e que o alumnado de educación infantil tamén debe usar máscara para poder acceder ao servizo.
Todas as familias que solicitaron praza recibiron por correo electrónico a documentación necesaria e o protocolo da empresa, que tamén podedes consultar na Web do centro dentro do Plan de adaptación á Situación Covid.
Igual que acontece no comedor, os postos de cada usuario/a están identificados co seu nome e serán fixos para todo o ano. Os nenos/as están separados por mamparas e distribuidos en grupos de convivencia estable.
Levarase control de asistencia e o Equipo covid dispón dun plano de situación para facilitar a localización dos contactos en caso dun eventual gromo. En caso de síntomas, a encargada informará o Equipo Covid, illará o menor no espazo destinado polo centro e contactará coa súa familia, que deberá vir recollelo o antes posible.
Un saúdo,
