Boas,A piques de finalizar o primeiro cadrimestre, abrimos o prazo de renovación para as piscinas dos pavillóns do Carme (Travesas) e Valadares.
Os interesados en prorrogar a actividade deben:
1. Confirmar a praza: tedes que avisarnos ata o martes 15 de xaneiro. Coma sempre, podedes avisar na oficina, responder ao tokapp correspondente ou mandarnos un whatsapp ao móvil da anpa/comedor (671 25 18 96).
2. Pagar a cota (30,20€) na conta xeral da ANPA (ver entrada novas contas) indicando "PISCINA TRAVESAS/VALADARES + NOME" ou similar. Como xaneiro é un mes complicado, admitimos pagos ata o venres 8 de febreiro, sempre que nos confirmedes antes se queredes conservar a praza.
O ingreso debe figurar na conta o día 8 ás 10:00am (lembrade que as transferencias doutros bancos tardan varios días).
Entendemos que as familias que non avisen renuncian á súa praza, que será ofertada en primeiro lugar aos nenos que figuren na lista de agarda, polo que pregamos que difundades esta información nos grupos de clase.
BAIXAS:
Por favor, avisádenos o antes posible se algún neno causa baixa no segundo cadrimestre ou se deixou a actividade nestes meses para que podamos dispoñer da praza, xa que os responsables das piscinas non nos facilitan esa información. Basta con enviar un whatsapp ao número da anpa/comedor (671 25 18 96), indicando BAIXA TRAVESAS/VALADARES+ NOME.NOVAS PRAZAS e CAMBIOS DE GRUPO
Os interesados en conseguir praza ou cambiar de grupo no segundo cadrimestre poñédevos en contacto con nós antes do luns 14 para intentar conseguir prazas extra.
NOTA: Os novos alumnos e os que cambian de piscina deben cubrir a ficha de inscrición, xa que os pavillóns non comparten base de datos. Podedes consultar as normas da piscina e descargar a ficha aquí.
Un saúdo,
NOTA: Os novos alumnos e os que cambian de piscina deben cubrir a ficha de inscrición, xa que os pavillóns non comparten base de datos. Podedes consultar as normas da piscina e descargar a ficha aquí.
Un saúdo,