O importe que paga o usuario supón soamente unha parte do prezo real do menú: todas as tarifas dos usuarios fixos están subvencionadas e inclúen as axudas que o Concello e a Xunta conceden á Federación para tal fin. Do mesmo xeito, Foanpas tamén subvenciona o gasto das comidas dos bolseiros de Benestar Social que exceden da devandita bolsa.
A finais de xuño enviamos unha circular con información detallada sobre normas, horarios e o procedemento de inscrición para o vindeiro curso. Se alguén non a recibiu, pode solicitala por correo electrónico. A continuación encontraredes un resumo das dúbidas máis habituais sobre o comedor.
PREGUNTAS FRECUENTES
QUEN PODE ASISTIR A COMEDOR?
Todos os alumnos matriculados no centro, sempre que cumpran as normas de conduta e non teñan débedas coa ANPA.TODOS OS MESES TEÑEN O MESMO PREZO?
Sí. As tarifas están calculadas sobre a media dos días lectivos totais do curso escolar, de forma que o prezo é igual todos os meses, incluidos aqueles nos que hai vacacións (Nadal, Entroido, Semana Santa) ou son máis curtos (xuño, setembro).
É OBRIGATORIO SER SOCIO PARA USAR O COMEDOR?
Non. A diferenza doutros centros, no Canicouva non é obrigatorio ser socio para acceder ao servizo de comedor. Porén, recomendámosvos que vos asociedes, xa que aos non socios repercútenselles os gastos de xestión cada mes e acaban pagando máis ca os asociados pero sen poder aproveitar as súas vantaxes (ver entrada Como facerse socio).
É NECESARIO PAGAR O SEGURO?
Sí. O seguro de accidentes é obrigatorio para todos os usuarios, sexan socios ou non, incluídos os bolseiros. O importe mantense en 9€ por alumno para o curso 2018/19.
SOLICITEI A BOLSA DE COMEDOR. TEÑO QUE PAGAR ALGO?
Sí. En primeiro lugar, o seguro de accidentes (9€ anuais por usuario), indispensable para acceder ao servizo; os demais gastos varían segundo o teu caso:
Sí. En primeiro lugar, o seguro de accidentes (9€ anuais por usuario), indispensable para acceder ao servizo; os demais gastos varían segundo o teu caso:
- Se decides ser socio da ANPA, 15€ (cota anual por familia).
- Se NON te fas socio da ANPA, debes pagar por adiantado os gastos de xestión dos meses que precises o servizo (2€ por cada mes). Así, un bolseiro non socio que utilizase o servizo de comedor de setembro a xuño pagaría 20€, pero sen os beneficios dos asociados.
- Se queres usar o servizo de comedor antes de que o Concello comunique os nomes dos bolseiros, deberás abonar as cotas correspondentes ata que se publiquen as listas. Se finalmente che conceden a bolsa, devolveráseche a mensualidade completa.
O vindeiro curso a inscrición seguirá facéndose no mes de setembro. Podes descargar a documentación necesaria no enlace ao final desta entrada, ou recollela na oficina.
A principal novidade é que será posible enviala por correo electrónico a partir de xullo sen necesidade de pasar pola oficina. As solicitudes recibidas por esta vía figurarán como inscricións presentadas o primeiro día do prazo que lles corresponda.
Se prefires achegarte á ANPA, abriremos do 5 ao 11 de setembro de 10 a 12:00h; do día 12 ata fin de curso, de 09:05 a 10:00h (tardes por determinar).
En calquera caso, lembra que para confirmar a praza debes presentar o xustificante de pago do primeiro mes de comedor segundo a tarifa escollida (só para a inscrición: o resto dos meses non é necesario).
IMPORTANTE
Se prefires achegarte á ANPA, abriremos do 5 ao 11 de setembro de 10 a 12:00h; do día 12 ata fin de curso, de 09:05 a 10:00h (tardes por determinar).
En calquera caso, lembra que para confirmar a praza debes presentar o xustificante de pago do primeiro mes de comedor segundo a tarifa escollida (só para a inscrición: o resto dos meses non é necesario).
IMPORTANTE
Rogámosvos que respectedes os prazos de inscrición: os profesores precisan saber que nenos van a comedor e a data na que empezan no servizo, e non queremos interromper as clases máis do necesario.
TEÑO QUEIXAS DO COMEDOR. A QUEN PODO DIRIXIRME?
No caso de ter algún problema ou queixa sobre o servizo de comedor, agradeceríamosvos que nolos transmitades tan pronto como se produza para poder buscar unha solución o antes posible. Podedes contactar con nós na ANPA ou enviar un correo electrónico a ampapereiro@hotmail.com con copia a FOANPAS (comedores@foanpas.com).
No caso de ter algún problema ou queixa sobre o servizo de comedor, agradeceríamosvos que nolos transmitades tan pronto como se produza para poder buscar unha solución o antes posible. Podedes contactar con nós na ANPA ou enviar un correo electrónico a ampapereiro@hotmail.com con copia a FOANPAS (comedores@foanpas.com).
DESCARGA OS DOCUMENTOS NECESARIOS PARA A INSCRICIÓN - SÓ CURSO 2018/19:
- Ficha de inscrición no comedor - FINALIZADO - non utilizar
- Anexo 1
- Autorización de recollida comedor
- Ficha de socio da ANPA (recomendado)
- Consulta as normas de comedor
Un saúdo,
